პირები, რომლებმაც ტრაპიზონში შეიარაღებული თავდასხმის შედეგად რევაზ ლორთქიფანიძე, მეტსახელად „რეზო თბილისი“ მოკლეს, სასამართლოში გადაიყვანეს.
დაკავებულებიდან ერთ-ერთი ქართველია.
გავრცელებული ინფორმაციით, რევაზ ლორთქიფანიძეს მანქანიდან ესროლეს და დაჭრეს. შემთხვევის ადგილზე პოლიცია და სასწრაფო ეკიპაჟი იყო მობილიზებული. დაშავებული საავადმყოფოში გადაიყვანეს, თუმცა მისი გადარჩენა ვერ მოხერხდა. გარდაცვლილი 65 წლის იყო.
